BERRIAK / Eskualdeko Proiektuak

Lekeitio aukeratu dute "Destino en detalle" turismo-programa aurrera eramateko

Kontuz, leiho berrian zabalduko da PDF fitxategiaInprimatuE-posta

Anfitriones proiektuko "Destino en Detalle" programaren barruan, Lekeitio aukeratu dute, beste herri batzuekin batera, proiektuak, turismoa, izaera eta kalitatea uztartzeko, Leartibai Garapen Agentziaren eta Basquetourren eskutik. Helmuga edo destino turistikoaren ikuspuntutik, bezeroak atzematen duen kalitatea hobetzea da programaren helburua. Tokiaren izaera eta berezitasuna baliatuz, jasangarritasuna eta bertaratzeko erraztasunak sustatuko dituen jarduerak erantsiz, jarduera ildo batzuk diseinatu dira helmuga turistikoen hobekuntza integrala bizkortzeko.

Alde batetik, herriaren beharrizanak hartzen ditu kontutan: bizi kalitatearen arabera aurrera eraman ahal izango diren proiektuak sustatuko dira, beti ere bisitariaren ikuspuntutik. Bestetik, turismo lehiakortasuna oinarritzat hartuz, enpresa publiko zein pribatuei ikastaroak eskainiko zaizkie, egin ditzaketen berrikuntzak aztertzeko, bezeroa eta kudeaketa hizpide hartuta.

Lekeitiok kalitatearen bidean lanean jarraitzen du. Herritarrei bizi kalitatea hobetu eta kanpotik datozenei herria bere osotasunean ulertzen lagunduko dieten eskaintzak luzatuz. Lan honen oinarria jasangarritasuna da, herriko turismo garapena lantzeko planteatzen diren ekintzak beti hartuko dute kontutan herriaren izaera eta herritarren nortasuna, ondorengoei utzi nahi dieten herria. Horregatik turismoak eragiten duen inpaktuaren murrizketa kontutan hartuko da.

Proiektu honetan lanean diharduen taldea alkateak, garapen zinegotziak, udal arkitektoak, udal aparejadoreak, turismo teknikariak eta garapen teknikariak osatzen dute.

 

JPAGE_CURRENT_OF_TOTAL

AGENDA

Azkeneko hilabetea Martxoa 2020 Hurrengo hilabetea
A A A O O L I
week 9 1
week 10 2 3 4 5 6 7 8
week 11 9 10 11 12 13 14 15
week 12 16 17 18 19 20 21 22
week 13 23 24 25 26 27 28 29
week 14 30 31