Udazkenerako turismo ekintzak Lea-Artibain

I 2020ko urria I

2020 urtea zaila izaten ari da turismo alorrean. COVID19k sortutako egoerak urte hasieran planifikatutako ekintza guztiak aldatu ditu. Hori dela eta, maiatzean sektore pribatuarekin bildu ginen eta ekintza-plana aldatu genuen, merkatuei erantzuna emanez eta lan egiteko moduak ere egokituz, beti ere osasun baldintzak kontutan hartuta.

Beraz, honako ekintza hauek planifikatu ditugu urte bukaera honetarako:

• Euskal Turismoaren Kode Etikoa lehiakortasun programa.

• Lea Artibaiko Kostako Plana garatu (Hericoast Europako proiektutik sortutako ekintza da eta gure kostalderako turismo bide-orria garatuko da).

• Lea Ibilbidearen inguruan Escape Circuit produktua sortu.

• GR-38 sustapen plana garatu, Bizkaibus eta Bilboko kioskoetan

• Sare sozialetako kanpaina Facebook eta Instagram-en

• Eskualdeko turismo zerbitzuen esku-orriaren difusioa

• Marketin arloan formazioa

• Sare sozialak eta turismo webgunea egunean mantendu

• Gynkana interaktiboa: Uribe eta Busturialdea-Urdaibai eskualdeekin batera, ibilbide digital bat lantzen ari gara. Deskargen bidez, eskualdeko 30 puntutan frogak proposatuko dira, turistak eskualde ezberdinetatik pasatzeko. Bukatzerakoan sari bat zozketatuko da.

• Zapore eta Kosta produktuen kudeaketa sare sozialetan

• Honez gain, Bizkaiko Foru Aldundiko eta Eusko Jaurlaritzako foroetan eta proiektuetan jarraitzen dugu parte hartzen: Barne turismoa, Euskadi Gastronomika, ibilbideak…