Eskualdeko enplegu foroaren Tokiko Ekintzak 2017 proiektuari esker 14 kontratazio burutu dira Lea-Artibai eskualdean

2018ko uztaila

2012. urtean Lanbide-Euskal Enplegu Zerbitzuaren baitan eskualdeetako enplegu plana garatzeko diru-laguntza kaleratu zen, langabezia murriztu eta eskualdeetako proiektu estrategikoak uztartu eta garatzeko helburuarekin. Plan horietan identifikatutako proiektuak garatzeko Tokiko Ekintzak diru-laguntza kaleratzen du Lanbidek urtero. 2017ko deialdian 117.404,99 euro esleitu zitzaizkion Lea-Artibai eskualderi.

Diru-laguntzan jasotako kopurua bi modalitateko kontratazioetan banatu da eta proiektuak enplegu foruak eta alkateen mahaiak onartuak izan dira.

Alde batetik enplegu planeko proiektuak garatzeko 8 pertsona kontratu dira, hurrengo proiektu zehatzak garatzeko helburuarekin.

• Lea Artibaiko bidezidorren mantentzea eta garbiketa

• Eskualdeko mendi ibilbideen plan integrala

• Lea Artibai eskualdeko elikadura estrategiaren definizioa

• Turismo produktuen sorrera

Kontratazio hauek eskualdeko garapen ekonomikoarekin lotuta dauden eta enplegu foroan parte hartzen duten entitateek egin dituzte. Bide horretatik, Lea Artibai Landagarapen elkartearen ardura izan da bidezidorren mantentzearen proiektua eta eskualdeko mendi ibilbideen plan integrala garatzea. Leartibai Garapen Agentziak aldiz turismo produktuen sorrera bideratu du, eskualdeko turismoaren dinamizazioren erakunde gisara onartua baitago. Elikadura estrategiaren definiziorako entitate bakoitzetik kontratazio bat bideratu da, proiektu hau elkarlanean egin delarik.

Modalitate honetan 35 urtetik beherako 3 emakume, 3 DBE diru-laguntza hartzaile, 35 urtetik beherako gizon bat eta 55 urtetik gorako beste bat kontratatu dira.

Bestalde, enplegu planean jasotako enplegagarritasunarekin lotutako helburuari erantzuna emateko asmoarekin 6 enpresa pribaturi eskualdeko pertsonak kontratatzeko laguntza eman zaie. Kontratazio guztiak behin betikoak izan dira.

Orokorrean proiektu bakoitzerako zehaztu ziren helburuak bete dira eta parte hartzaileek egindako balorazioa ere positiboa izan da. Lanbide-Euskal enplegu zerbitzuak eskaintzen duen aukera hau eskualdeak dituen beharrei erantzuna emateko diru-laguntza estrategikoa da.