Kontratazio berriak eginda, Lanbideren Tokiko Ekintzak laguntzari esker definitutako proiektuak martxan dira

Kontuz, leiho berrian zabalduko da PDF fitxategiaInprimatuE-posta

| 2019ko urtarrila |

 

Abenduan egin ziren Lanbideren Tokiko Ekintzak dirulaguntzaren baitako kontratazioetarako elkarrizketak. Hautaketa prozesuak bukatu ostean eta aukeraketa egin ostean, lanean hasi dira.

Proiektuak eta kontratatutako langileen betebeharrak

Ibilbideen plan integrala: iaz hasitako lanari jarraipena emanez, bigarren fasea landuko da. Lea-Artibai eskualdean dauden ibilbideak zehatz ezagutzen dira eta bakoitzak bere fitxa landuta dauka. Orain, ibilbide horiek merkaturatzeko falta diren datuak gehitu eta bideak egokitu ondoren, merkaturatzeko momentua iritsi da. Proiektu honen amaieran eskualdeko ibilbideen sare definitu bat izango dugu eta baita hauek dinamizatzeko proiektuen proposamenak ere. Bera izango da bidezidorren mantenimendua egingo dutenak eta udalen arteko koordinazioa egingo duena. Lan hau egiteko kontratatutako pertsona izango da bidezidorren mantenimenduaz eta udalen arteko koordinazioaz arduratuko dena.

Bidezidorren mantenimendua: eskualdeko mendi bideen garbiketa egiteko 4 pertsonako brigada ere martxan da. Eskualdeko udalerriek aukeratzen dituzten bideen garbiketa egingo dute eta bertatik igarotzen diren ibilbideetako elementu eta seinaleztapenen mantenimendua ere egingo dute.

Elikadurako estrategia lantzen laguntzeko 2 pertsona egongo dira. Eskualdeko elikadura produktuak identifikatuko dituen marka sortu zen aurreko fasean eta orain marka horren pean lan egingo duten sektoreko eragileak atxikitzeko unea da. Lehen sektoreko enpresei eta merkatari eta ostalariei, proiektuaren berri emango zaie eta interesatuta daudenak marka erabili ahal izango dute. Kontsumitzaileek argi eta garbi identifikatu ahal izango dituzte bertoko produktuak eta hauek saltzen dituzten merkatari zein ostalariak, beraz, bertoko produktua kontsumitu nahi duenak ez du zalantzarik izango non erosi.

Helmugaren digitalizaziorako kontratatu den pertsonak turismo sektoreko enpresei lagunduko die digitalizazioan zein eskualdearen promozioan. Online plataformak kontutan izanik, Lea-Artibai eskualdearen presentzia bermatuko du. Turismo plana garatzeko ekintzak martxan jarriko ditu; arlo ezberdinetako turismo produktuak sortu eta balioan jarri.

Merkataritzaren digitalizazioan arituko den langileak, merkataritza eta zerbitzuen sektoreari lagunduko dio sare sozialen bitartez interneten bere presentzia indartzen. Horretaz gain, sektorean egon daitezkeen ekintzaileei ere laguntza eskainiko die prozesuan zehar, eta beti ere, interneten presentzia indartzeko. Aldi berean, kokapena errazteko eskualdeko lokal hutsen inbentarioa ere egingo du.

Jarduera ekonomikoaren mapeoa egiteko kontratatu den teknikariak eskualdeko zein kanpokoa enpresen beharrizanak aztertuko ditu, gabezia horiei erantzun egokia emateko Lea-Artibai eskualdeak dituen baliabideak eskainiz. Horretaz gain, eskualdeko garraio publikoaren sarea ere aztertuko du eta hobetzeko proposamenak egingo ditu.

Ekintzailetza sustatu eta laguntzera bideratuko da azken proiektua. Lan hau aurrera eramateko kontratatutako langileak ekintzaileei euren proiektua aztertzen lagunduko die. Herri txikietako ekintzailetza aztertu eta bultzatzeko proiektua landuko du. Herrien azterketatik abiatuta, beharrizanak identifikatu eta jarduera ekonomikoa sortuz, erantzunik eman ahal zaien aztertuko du.

 

 

 

JPAGE_CURRENT_OF_TOTAL

AGENDA

Azkeneko hilabetea Abuztua 2020 Hurrengo hilabetea
A A A O O L I
week 31 1 2
week 32 3 4 5 6 7 8 9
week 33 10 11 12 13 14 15 16
week 34 17 18 19 20 21 22 23
week 35 24 25 26 27 28 29 30
week 36 31