BERRIAK / Mikroenpresak eta Merkataritza

6.000 €-ra arteko kontratazio laguntzak Lea-Artibain

I 2020ko abendua I

Leartibai Garapen Agentziak kontratuak egin dituzten edota hurrengo hilabeteetan egingo dituzten enpresentzako laguntzak kaleratuko ditu. Laguntza horiek Lanbide-Euskal Enplegu Zerbitzuak diruz lagundutako enplegua sustatzeko tokiko ekintzen dirulaguntzen baitan kokatzen dira.

Laguntzen deialdia laster kaleratuko da eta betebeharreko baldintza nagusi hauek izango ditu:

Onuradunak:

Programa honetan jasotako laguntzen onuradun izan daitezke autonomoak nahiz enpresak, haien izaera juridikoa edozein dela ere.

Kontratatzen den pertsonaren ezaugarriak:

     ·  Kontratazioaren unean, Lanbide-Euskal Enplegu Zerbitzuan enplegu-eskatzaile gisa izena emanda egotea.

     ·  Lea-Artibai eskualdekoa izatea.

Laguntzen ezaugarriak:

2020ko uztailaren 1etik 2021eko maiatzaren 31ra bitartean egindako kontratuek 3 hilabete edo gehiagoko iraupena eta % 50etik gorako lanaldia izan beharko dute.

Laguntza horietarako aurrekontua 34.000 eurokoa da, eta gehienez 6.000 eurokoa 6 hilabeteko lanaldi osoko kontratuetarako.

Laguntzak eskatzeko epea, deialdia Leartibai Garapen Agentziaren webgunean argitaratzen denetik, martxoaren 15era artekoa izango da.