Langabezi-tasak jaisten jarraitzen du Lea-Artibain

Beste urte batez, Lea-Artibaiko langabeziak behera egin du %7,29an kokatuz.

Langabezi-tasaren joera beheranzkoa izan da 2014. urtetik egun arte bai Lea-Artibai eskualdean eta baita Bizkaian ere. Zehazki, 2014. urtetik 7 puntu jaitsi da tasa gure eskualdean, hau da erdira. Momentu honetan 998 dira eskualdean dauden langabetuak.

Era berean, Lea-Artibai eskualdea Bizkaia eta EAE-rekin aldeatuz gero, Lea-Artibaiko langabezia-tasa azpitik dagoela ikusi dezakegu; EAEn %11,2-koa da eta Bizkaian %12,2-koa.

Udalerrika aztertuta, Gizaburuaga eta Aulesti dira langabezia-tasarik baxuena dutenak, eta aldiz, altuena dutenak Ondarroa, Lekeitio eta Etxebarria dira.